Irakurtzen ari zara...
Uncategorized

Non zangoa, han gogoa

78_iraungitako jogurt baten istorioa

Argazkia: Iraungitako jogurt baten istorioa
Egilea: Mr.Chopski
Artxibo mota: JPEG
Neurria: 1248×1248 px (1:1)
Sortze data: 2014/03/30
Latitudea: 43º 22,678´ N
Longitudea: 1º 47,804´ W
Kamera: ip4s
Objektiboa:
Distantzia fokala:
Irekidura:
Esposizio denbora:
Sentikortasun eskala:
Flasha:

 Alter dixit.

Harean gazteluak eraikitzea geure buruei iruzur egitea bezalakoa da. Amets bat jarraitzen dugunean, hiru txerrikumeen ipuinean bezala, komeni da une batez berau gauzatzeko erabiliko ditugun materialei erreparatzea. Ametsak, izan ere, hurrengo olatua iristen den arteko denbora tartea baino ez du izango erreala izateko. Segun eta zer den bilatzen ari garena, hala ere, hautu ona izan daiteke gure eskuak moldagarri bezain hauskorra den gai baten esku uztea. Aurrez gaizki atera den esperientzia batetik bagatoz, adibidez, egokia izan daiteke nahi dugun horren irudia laster desegingo den hareaz sortutako eskultura bat bezala irudikatzea.

Belarrak, harean aldean, badu beste sendotasun bat. Ez du oraindik naturaltasunaren izaerarik galdu, ez eta gutxiagorik ere: plazera da busti berritan bere freskotasuna oin biluzien azpian antzematea, edo sargoria nagusi den egun batean belarrak eta itzalak, biek batera, eskaintzen duten bakea nabaritzeko aukera izatea. Zerbaitegatik maitaleek, hasi berritan, izaten dute hain gustuko bietako baten lepoa belarrari eta bular aldea maitaleari eskaintzea, elkarri besarkatuta egonean egoteko baino ez bada ere. Denbora aurrera joan ahala, den den, nahiago izaten dute leku erosoagoetan etzatea, gurasoen sofan edo kotxearen atzeko jarlekuetan baino ez bada ere.

Sendotasunaren gradientean aurrera eginez, egurra dator ondoren. Beroa izaten jarraitzen du, momentuz, baina edozein bikote erlaziok eskertzen duen bestelako propietate bat ere badu: iragazkortasuna. Berdin du gaur azken hamabost urteetako euri-jasarik handiena bota badu; bihar (edo etzi, edo etzidamu) berriro aterako da eguzkia eta egurra lehortu egingo da, hurrengo enbataren zain. Esker oneko materiala da. Zahartzeak egiten dio kalte, baina gaur egun badaude, egon, horri aurre egiteko nahikoa krema eta ukendu.

Harria da, baina, denetan materialik sendoena. Hotza, aukeran, baina tekla egokia sakatzeko gaitasuna garatuz gero, erraz berotu daitekeena. Umeen pausuak ere irmoagoak dira mota honetako lurzoruetan, erortzerakoan sortzen diren ubelduak odoltsuagoak izateko arriskua duten arren. Denboran irautea nahi den zerbait eraiki nahi izanez gero, berau litzateke materialik egokiena. Eskatzen du, honek ere, nolabaiteko mantenua, hasieran zuen itxura mantentzea bada xedea, behintzat. Baina merezi ere, merezi du noizean behin lan horiek hartzeak. Gainera, bi baino gehiagoren pisua hobeto jasaten du egurra baino sendoagoa den material honek, eta dena da beharrezko horrelakoetan.

“Non gogoa, han zangoa” dio mendi materialeko marka ezagun baten lemak. Esaera zahar bat ere ba omen da, gauza bera dioena. Oraindik banketxearena den baina hilero-hilero ordaintzen jarraitzen dugun harrizko etxeko berogailu zentralak eskaintzen duen gozotasunetik, nik behintzat, nahiago dut esaldiari buelta eman eta “non zangoa, han gogoa” lema jarraitu. Joan zaizkit, antza, kimerak jarraitzeko sasoiak. Nahiago dut, antza, nagoen lekuan gustura egoteko saiakera egitea. Adinaren kontuak…

“Bizitza, ostantzeko planak egiten ari zarela, gertatzen ari zaizuna baino ez da” (John Lennon).

Ego dixi.

Advertisements

Eztabaida

Erantzunik ez oraindik.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

Bisitak orain arte:

Un porrón de visitas

ALTER ETA EGO 2.0:

Ego sum:

Egok kontenplaziozko bizitza maite du. Bizimodua hortik atera nahiko luke baina, momentuz, ezin du. Hala ere, lasai bizi da, denbora bere alde baitu. Barrukoa askatzeko idazten du.

Alter sunt:

Mr. Chopski psikoanalista da, ogibidez. Errealitatea behatu, interpretatu eta aztertu egiten du, hausnarketarako bideak irekiz. Behatzaile pasiboa da.

Mr. Kaplan trilero bat da, artista bat. Errealitatea desitxuratu, eraldatu eta manipulatu egiten du, begizta gorri eta guzti eskaintzen digularik. Friki aktiboa da.

Artxiboa: