Irakurtzen ari zara...
Uncategorized

Rayuela

60_berotzen

Argazkia: Berotzen
Egilea: Mr. Chopski
Artxibo mota: JPEG
Neurria: 3203×2402 px (4:3)
Sortze data: 2013/10/24
Latitudea: 43º 08,196´ N
Longitudea: 2º 04,536´ W
Kamera: Sony Xperia SP
Objektiboa:
Distantzia fokala:
Irekidura:
Esposizio denbora:
Sentikortasun eskala:
Flasha:

Alter dixit.

Zenbat gustatzen zaigun gizakioi, gure bizitzako edozein esparrutan delarik ere, marrak jartzea!

Aske izateko baino ez bada ere, beharrezko zaigu marrak jartzea, mugak, arauak… Nekez ulertzen da, bestela, Jaurlaritzara iristen den gobernu berri bakoitzak eguraldiaren maparekin muntatzen duen Kristoetako bakoitza. Garenaz hobeto jabetzeko ere, badirudi, lehenengo, ezinbestekoa dela beste batek marraren bat marraztea. Horrela guk, ondotik, erabakiko dugu adostasunetan edo kontrako jarreretan ekingo diogun.

Herentziaz egokitu zaigun -eta inoiz bisitatuko ez dugun- lursailarekin zer egin erabaki orduko ere, ziurrenik, lehenik eta behin bere mugak hesitzeari ekingo diogu. Hori bai: guk marraztutako marra hori inork ez zeharkatzea desiratzen dugun proportzio berean tentatuko gaitu besteena gainetik igarotzeko nahiak. Ondokoaren emaztearekin oheratzea desiratzen duenak ere, askotan, ez du bestearena berea baino hobea denik uste duelako egingo, bestea berea ez delako baizik.

Horrexegatik dugu, besteak beste, legeen beharrizana ere. Ez baitugu inor behar albokoarena den dirua gure patrikan ez dugula sartu behar esateko. Kontzientziak edo etikak, edo dena delakoak diosku hori. Baina jakin, badakigu, askorentzat behintzat, gustagarriago dela norbere diruz baino beste batenaz betetzea gure patrika. Horretarako egiten ditugu legeak: apurtzen ditugunean gure irribarrea beste batzuen aurpegira botatzeko.

Erlazio pertsonaletan ere ohikoa da arauak eta mugak jartzea, nola ez. Bizikidetza hobe baten aitzakian jartzen ditugu gehienetan, baina baita gainetik salto egiten diegunean besteak zer jarrera hartzen duen ikusteko ere. Larunbat goizetan xurgagailua pasa behar da etxe osoan. Bale, ados. Baina badago beti larunbaten bat, ia-ia gustura pasatuko genukeen arren, ea zer gertatzen den gaur pasatzen ez badut dioguna ere. Horrelakoak gara, batzuk, behintzat, batzuetan, ez beti.

Gustuko dugu marrak jartzea, nahiz eta marra horiekin zer egin, kasuan kasu, modu erabat arbitrarioan erabakitzen dugun. Beotibar pilotalekuko marretako bakoitzak, adibidez, huts esanahia du. Bai, behintzat, pilotaren arrastoak berau ukituz punpa egiten badu. Baina Philippe-Chatrier pista zentralean jokatzen den Roland Garros txapelketako finalean, adibidez, marrak ona esanahia du. Gizakiak margotu ditu bi marrak, eta gizakiak interpretatzen ditu nahiago duen eran.

Eleberri bat, adibidez, hasi eta buka irakurtzeko egina dago, irakurri ahala buelta ematen diogun orrietako bakoitza hasieraren eta bukaeraren artean margotzen den marraren zatitxo bat balitz bezala. Baina gizakiak, nahi duena egiteko gaitasuna duen ente gorenak, arauak eta legeak bere komenientziara malgutzeko gaitasuna duenak, zergatik jarraitu behar du beti aurrez ezarritako patroia? Zergatik ez da gai araua hausteko eta eleberri hori nahi duen ordena jarraituz irakurtzeko? Ezer ulertuko ez lukeelako bakarrik? Badaude liburuak bestela ere ulertezin egiten zaizkigunak, edo ez?

Saiatu post hau egokien deritzozun ordenan irakurtzen. Berdin-berdin ulertuko duzu azaldu nahi dudana. Edo berdin-berdin ez duzu ezer ulertuko. Berdin dio…

Ego dixi.

Advertisements

Eztabaida

Erantzunik ez oraindik.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

Bisitak orain arte:

Un porrón de visitas

ALTER ETA EGO 2.0:

Ego sum:

Egok kontenplaziozko bizitza maite du. Bizimodua hortik atera nahiko luke baina, momentuz, ezin du. Hala ere, lasai bizi da, denbora bere alde baitu. Barrukoa askatzeko idazten du.

Alter sunt:

Mr. Chopski psikoanalista da, ogibidez. Errealitatea behatu, interpretatu eta aztertu egiten du, hausnarketarako bideak irekiz. Behatzaile pasiboa da.

Mr. Kaplan trilero bat da, artista bat. Errealitatea desitxuratu, eraldatu eta manipulatu egiten du, begizta gorri eta guzti eskaintzen digularik. Friki aktiboa da.

Artxiboa: