Irakurtzen ari zara...
Uncategorized

Leonen orroa

32_lotsagabekeria galanta!

Argazkia: Lotsagabekeria galanta!
Egilea: Mr. Chopski
Artxibo mota: JPEG
Neurria: 5760×3840 px (3:2)
Sortze data: 2012/12/11
Latitudea: 43º 19,245´ N
Longitudea: 1º 58,911´ W
Kamera: Canon EOS 5D Mark III
Objektiboa: Canon EF 24-105mm f4/L IS USM
Distantzia fokala: 24mm
Irekidura: f4
Esposizio denbora: 1/125″
Sentikortasun eskala: 2500 ISO
Flasha:

Alter dixit.

Gustuko dut taberna batean patxadan eseri eta bertaratzen direnen egunerokotasunari erreparatzea. Pena bakarra da, Donostiakoetan, zail egiten zaidala San Miguel botilatxodunak aurkitzea. Keller-ekin konformatzen naiz holakoetan.

Izan ere trago bat jotzea, askotan, aitzakia baino ez da. Garrantzitsuena lekua eta momentua harrapatzea da eta, hortik aurrera, harrapakin egokia noiz agertu zain lasai itxarotea, lehoi apetatsua sabanako ur-putzuan bezalatsu. Lehen erronda bukatzear nengoela sartu ziren hiru Eudorcas thomsonii.

Eguneko hirugarren kafesnea hartzear dagoena artega dabil aspaldi honetan. Senarrak erretiroa hartu zuenetik, eta urte bete joan da jada, bere lehengo bizimodua botatzen du faltan, egunero. Aurrean duen lagunari laster aitortuko dion bezala, pasillo erdira botatako koltxoi bat iruditzen zaio, orain, noizbait horrenbeste maitatu izan zuena: komunetik sukaldera edo egongelatik logelara joan behar den bakoitzean enbarazu egiten dion zerbait. Beti erdi-erdian, eta txarrena da inork ez duela handik kentzeko ardurarik hartzen.

Dioena askorik axola ez zaionaren plantak eginez dabil eguneko lehen txakolina hartzear dagoena, benetan ere askorik axola ez bazaio ere: alabaren pentsamenduan dago. Bart gauean esan zion mutilarekin bizitzera joatekotan dagoela. Alaba bakarra, munduko galantena, hiru umeren aita den tipo batengana arrimatu zen  urte hasieran. Baina gaizki hartutako erabaki bat zirudiena, antza, etorkizuneko proiektu bilakatzear dago. Gainera, aitak ezkonjantzia ordaintzea nahiko du, ziurrenik.

Belén Esteban dute hizpide baina, ordua aurrera doan heinean, bestelako gaietara salto egiten hasiko dira, biak ala biak. Azkenengo saltoak karmeldarretan eurekin ikasitako hirugarren baten osasun egoerara eraman ditu. Bere penan dabiltza, behealdean aurkitu berri dioten aipatu ezineko gaixotasunaren harira. Hurbil dakusate, antza, loteria bezala noizean behin irten ohi den sari horietako bat eurei ere jausteko aukera, dezimorik erosteko inolako asmorik ez duten arren.

Baina hirugarrenak harritu nau gehien, Mauriziak. Ez du tragorik eskatzeko beharrizanik sumatu, azken finean, eskatu baitute bana bere lagunek. Are gehiago, lagunen tragoak horretarako baimen nahikoa bailira bezala, tabernariak doan eskaintzen duen zerbitzuetako bati probetxu ateratzen ari da. Aukeran, nahiago luke Diario Vasco, baina Deia dago libre gaurkoan. Goizerako, eta eskura zituen gauekotasun, maltzurkeria eta berariazkotasun guztiarekin, patrikan sartu dituen betaurrekoak ditu lagun.

Berdin zaio zertaz ari diren beste biak. Noizean behin, deskuiduan bezala, hitz bi ateratzen dira bere ezpainen erditik: lotsagabekeria galanta!

Berdin zaizkio, baita, berri bakoitzaren izenburuak edo berria laguntzen duen argazkiak eskaintzen duen informazioa: bere gogoeta beti bera da. Barcina andereak, loditzeko asmoz, urteetan zehar egin dituen dieta desberdinak; Nuñez Feijóo jaunak mutil koskorra zenean lagun artean ateratako argazkiak; betikoek eta betiko leloekin igarotako asteburuan betiko lekuan egindako manifestazioa…

Bitartean, eta leihoaren bestaldetik, hiruretako baten alaba pasa da. Ama ikusi ez duenaren plantak egin ditu…

Ego dixi.

Advertisements

Eztabaida

Erantzunik ez oraindik.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

Bisitak orain arte:

Un porrón de visitas

ALTER ETA EGO 2.0:

Ego sum:

Egok kontenplaziozko bizitza maite du. Bizimodua hortik atera nahiko luke baina, momentuz, ezin du. Hala ere, lasai bizi da, denbora bere alde baitu. Barrukoa askatzeko idazten du.

Alter sunt:

Mr. Chopski psikoanalista da, ogibidez. Errealitatea behatu, interpretatu eta aztertu egiten du, hausnarketarako bideak irekiz. Behatzaile pasiboa da.

Mr. Kaplan trilero bat da, artista bat. Errealitatea desitxuratu, eraldatu eta manipulatu egiten du, begizta gorri eta guzti eskaintzen digularik. Friki aktiboa da.

Artxiboa: