Irakurtzen ari zara...
Uncategorized

Zaharrak berri

31_azkar biziz

Argazkia: Azkar biziz
Egilea: Mr. Chopski
Artxibo mota: JPEG
Neurria: 5760×3840 px (3:2)
Sortze data: 2013/02/21
Latitudea: 43º 19,418´ N
Longitudea: 1º 58,772´ W
Kamera: Canon EOS 5D Mark III
Objektiboa: Canon EF 24-105mm f4/L IS USM
Distantzia fokala: 88mm
Irekidura: f4,5
Esposizio denbora: 1,6″
Sentikortasun eskala: 100 ISO
Flasha:

Alter dixit.

Bizitzea tokatu zaigun latitudeetatik errazegi gutxiesten ditugu zaharrak gurtzeko edo, are gehiago, eurei kasu egiteko ohitura duten beheragoko gizarteak. Guk, latitude hauetan, hurbilen geratzen zaigun gasolindegian uzten ditugu gureak, ahaztuta, posible denean.

Eta errazegi egiten dugu, baita, obra bat erosi eta bere eboluzioa kontrolatzeko aitzakian denbora betetzen duten agureen txistea. Askoz modernoagoak gara, oraindik, James Dean zenaren esaldia lelotzat hartuz, azkar bizi eta hilotz ederra uztea balore bezala saltzen dugunean.

Dena dugu eskura, informazioa eta jakintza barne, baina geroz eta ezjakinagoak gara. Eta dena pazientzia apur bat bilatzeko astirik hartzen ez dugulako. Antzerako egoeretan historian zehar eman diren konponbideei gehiago erreparatuko bagenio… Baina gure zaharrek, antza, ez dute gure arretarik merezi. Geurera ekarri edo zaharren egoitza batera eramateko erabakia hartu beharra heltzen zaigunean ere, hautua konpondu beharreko arazo bihurtzen dugu.

Ezerk aurrera egin badu azken mendean, hori teknologiaren mundua izan da. Eta argazkilaritza bera ez da aurrerapen horretatik at geratu. Bai, hasieran ez genituen gure argazki kamera analogikoak digitalengatik aldatu nahi. Orain, aldiz, ez dakigu analogikoa non gorde genuen. Zenbat amuma dabiltza kexu, behin eta berriz, erosi berri duten album polit hori iloben argazkiekin betetzeko adina materialik ez diegula ematen eta.

Gainera, era digitalean sartu ginenetik, modan jarri dira time lapse delakoak edo esposizio luzeko argazkiak. Bide berriak arakatzeko nahian, noski, ez da nahikoa jada unea harrapatzea; denbora bera da orain gure artxiboetan harrapatuta eduki nahi duguna. Hori ez al da bada, azken finean, txisteko agureek obren eboluzioarekin egin nahi zutena? Gu, ostera, pozarren eurei burla eginez…

Bada, honek guztiak, Francisco Aita Santuaren izendapenarekin batera, gogoeta bat ekarri dit burura. Batzuei beste batzuei baino gutxiago gustatuko zaien arren, Elizak beti jakin izan du bere artaldea nola ondo gobernatu. Eta, badaezpada, inoiz ez du 60 urtetik beherako gidaririk aukeratu, azken boladan behintzat.

Gaur egun bizi dugun egoerari erreparatuz, eta ez dut krisi hitza erabili nahi, besteak beste, gezurra delako, argudio sinplea bezain biribila da bizi duguna agintariek sortua dela. Eta agintean, amaitzear dauden zenbait adibide salbu, politikariak daude, gehientsuenetan. Nork maneiatzen dituen beste baterako utzi beharreko kontua da.

Hona hemen, hortaz, nire proposamena: 65 urtetik beherako politikaririk ez litzateke onartu behar hauteskunde-zerrendetan. Ederra bota duzu! esango du, agian, batek baino gehiagok baina, ondo pentsatzen jarriz gero, ez da funsgabeko proposamena. 20 urterekin politikan sartzen denak bizi osoa du, inoren lepotik, bere patrikak ondo betetzeko. 65 urterekin sartzen denak, kasurik onenean, 35 baino ez!

Gainera, ziurrenik, orduan hasiko lirateke erretiroko adina 70 urtera urreratu ordez 60tik hurbilago jartzen. Zaude ziur!

Ego dixi.

Advertisements

Eztabaida

Erantzunik ez oraindik.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

Bisitak orain arte:

Un porrón de visitas

ALTER ETA EGO 2.0:

Ego sum:

Egok kontenplaziozko bizitza maite du. Bizimodua hortik atera nahiko luke baina, momentuz, ezin du. Hala ere, lasai bizi da, denbora bere alde baitu. Barrukoa askatzeko idazten du.

Alter sunt:

Mr. Chopski psikoanalista da, ogibidez. Errealitatea behatu, interpretatu eta aztertu egiten du, hausnarketarako bideak irekiz. Behatzaile pasiboa da.

Mr. Kaplan trilero bat da, artista bat. Errealitatea desitxuratu, eraldatu eta manipulatu egiten du, begizta gorri eta guzti eskaintzen digularik. Friki aktiboa da.

Artxiboa: